ناوه‌ڕۆك
ئەو بە‌ھاراتانە‌ی دژی شێرپەنجەن
بە‌ھارات لە‌نێو زۆربە‌ی میللە‌تان بۆبڕازاندنە‌وە‌ی سفرە و بە‌تامكردنی خواردن بە‌كاردێ، بە‌ڵام ڕە‌نگە نە‌زانیت كە بە‌ھارات بە چە‌ندین ڕە‌گە‌زی تە‌ندروستی خۆراكیی دە‌وڵە‌مە‌ندن و بە ڕێوشوێنی جیاواز دژی چە‌ندین نە‌خۆشین، لە‌وانە شێرپەنجە، ئە‌مانە ھە‌ندێك لە سوودە‌كانی جۆرە جیاوازە‌كانی بە‌ھاراتن لە دژایە‌تی شێرپەنجە :
- زە‌ردە‌چە‌وە: لە زە‌ردە‌چە‌وە‌دا ڕە‌گە‌زی كوركمین ھە‌یە كە توێژینە‌وە‌ی زانستی دە‌ریانخستووە ڕێگری لە دروستبوون و گەشە و بڵاوبونە‌وە‌ی شێرپەنجە دە‌كات، ھە‌ندێك توێژینە‌وە دە‌ڵێن ئە‌وانە‌ی زۆرتر زە‌ردە‌چە‌وە بە‌كاردێنن، كە‌متر تووشی شێرپەنجەی مە‌مك دە‌بن.
- بیبە‌ری ڕە‌ش: ماددە‌ی پیپێرین پۆلیفینۆڵ كە لە بیبە‌ری ڕە‌شدا ھە‌یە، دژی شێرپەنجەی مە‌مكە، ھە‌ندێك توێژینە‌وە دە‌ڵێن ئەو ماددە‌یە دژی چە‌ندین جۆر شێرپەنجەی دیكە‌شە.
- سیر: ڕە‌گە‌زی ئالیوم ساتیڤۆم كە لە سیردا ھە‌یە، بە‌وە ناسراوە كە ڕێگرە لە گە‌شە‌ی خانە شێرپە‌نجە‌ییە‌كان و لە مشكدا كاریگە‌ریە‌كە‌ی سە‌لمێندراوە لە پووكاندنە‌وە‌ی شێرپەنجەی پرۆستات.
- زە‌نجە‌فیل: ھە‌ندێك سە‌رە‌داو دە‌ستی زاناكان كە‌وتون كە زە‌نجە‌فیل دژی شێرپەنجەی پێستە، كاریگە‌ریی دژی شێرپە‌نجە‌یی، زە‌نجە‌فیل بە‌ھۆی ماددە‌ی جینجیرۆڵ ھە‌یە، كە ئومێد دە‌كرێت لە داھاتوودا وە‌ك چارە‌سە‌ری شێرپەنجەی كۆڵۆن بە‌كاربھێندرێ.
- بیبە‌ری توون (تیژ): ڕە‌گە‌زی كاپسایسین-ی تیادایە كە جە‌ستە لە كاریگە‌ری ماددە تووشكە‌رە‌كانی شێرپەنجەی دە‌پارێزێ، ھە‌ندێك توێژینە‌وە‌ی دیكە‌ش ئاماژە بە ڕۆڵی بیبە‌ری توون دە‌كە لە‌سە‌ركوتكردنی شێرپەنجەی پرۆستات، ھە‌روە‌ك لە دژی ھە‌ندێك شێرپەنجەی پێست كاریگە‌رە.
- زە‌عفە‌ران: ماددە‌ی كۆرسین-ی تیادایە كە دژی شێرپەنجەی پێستە، ھە‌روە‌ك دە‌ریشكە‌وتووە دژی بڵاوبوونە‌وە‌ی شانە شێرپە‌نجە‌ییە‌كانە.
- دارچینی: پڕە لە ڕە‌گە‌زی دژە ئۆكسێن، كە جە‌ستە دە‌پارێزن لە كاریگە‌ری ڕە‌گە‌زە توشكە‌رە‌كانی شێرپەنجە. ھە‌ندێك توێژینە‌وە‌ش دە‌ڵێن دارچینی دژی شێرپەنجەی لیمفە‌گرێكان و پە‌نكریاسە.
سەرچاوەکان
1018 بینین
