ناوه‌ڕۆك
١٣ خۆراك نابێت بە ھیچ شێوە‌یە‌ك بخرێنە ناو سەلاجە
ھە‌مو كات بە‌كارھێنانی تە‌كنە‌لۆجیا سودبە‌خش نیە ھە‌ندێك لە خۆراكە‌كان وا باشترە نە‌خرێنە بە‌فرگر«سەلاجە» و لە پلە‌ی گە‌رمی ئاسای ھە‌ڵبگیرێن. ئە‌مە‌ش ١٢ لە‌و خۆراكانە‌ی وا باشترە لە بە‌فرگر ھە‌ڵنە‌گیرێن:
١- تە‌ماتە :
تە‌ماتە لە‌و خۆراكانە‌یە كاتێك دە‌خرێتە بە‌فرگر تامە‌كە‌ی لە‌دە‌ست دە‌دات و زووتریش كۆن دە‌بێت، بۆ نمونە ئە‌گە‌ر لە ١٠ پلە‌ی سە‌دی ٢ ھە‌فتە بمێنێتە‌وە ئە‌وا لە ٥ پلە‌ی سە‌دی ٦ بۆ ٨ ڕۆژ دە‌مێنێتە‌وە.
٢- ھە‌نگوین :
ئە‌م خواردنە نایابە كاتێك دە‌خرێتە بە‌فرگر خە‌ست دە‌بێتە‌وە‌و تێكدە‌چێت باشتر وایە لە دە‌فرێكی داخراو لە پلە‌ی گە‌رمی ژور ھەڵبگیرێت.
٣- سیر :
سیر كاتێك لە بە‌فرگر ھە‌ڵدە‌گیرێت دە‌گە‌نێت و زوو كۆن دە‌بێت، باشتر وایە لە زە‌رفێكی كاغە‌ز لە پلە‌ی گە‌رمی ئاسای ھەڵبگیرێت.
٤- قاوە :
كاتێك دە‌خرێتە بە‌فرگر زوو كۆن دە‌بێت و دواتر تامی تێكدە‌چێت، باشتر وایە لە پلە‌ی گە‌رمی ژور ھەڵبگیرێت.
٥- نان و سە‌مون :
كاتێك دە‌خرێنە بە‌فرگر وشك دە‌بنە‌وە تامیان تێكدە‌چێت، بە‌ڵام ئە‌گە‌ر بخرێنە ناو كیسی كاغە‌ز و پارچە‌یە‌ك قوماش یان خاولیە‌ك بپێچرێن ئە‌وا بە شێداری دە‌مێننە‌وە.
٦- كە‌چە‌پ و ساس :
باشتر وایە نە‌خرێنە ناو بە‌فرگر لە‌بە‌ر ئە‌وە‌ی ئە‌گە‌ر جۆرە‌كە‌ی باشبێت ٣ ساڵ لە پلە‌ی گە‌رمای ژور دە‌مێنێتتە‌وە.
٧- پیاز :
وە‌ك سیر باشتر وایە لە پلە‌ی گە‌رمای ئاسایی ھەڵبگیرێت لە جیاتی ئە‌وە‌ی بخرێتە بە‌فرگر لە زە‌رفی كاغە‌زی كونكراو ھەڵبگیرێت زیاتر لە ٣ مانگ دە‌مێنێتە‌وە.
٨- ریحانە :
ئە‌گە‌ر بخرێنە بە‌فرگر كۆندە‌بێت و تێكدە‌چێت، بە‌ڵام ئە‌گە‌ر بخرێتە دە‌فرێك و كە‌مێك ئاوی تێبكرێت ماوە‌یە‌كی زۆر دە‌مێننە‌وە.
٩- شوتی و كاڵە‌ك :
ناوە‌ندی كشتوكاڵی ئە‌مریكی ئاشكرایانكردووە شوتی و كاڵە‌ك كاتێك دە‌خرێنە ناو بە‌فرگر زۆربە‌ی سوودە‌كانیان لە دە‌ست دە‌دە‌ن باشتر وایە لە پلە‌ی گە‌رمی ئاسای ھەڵبگیرێت .
١٠- پە‌تاتە :
كاتێك دە‌خرێتە بە‌فرگر تامە‌كە‌ی لە‌دە‌ست دە‌دات ، بە‌ڵام ئە‌گە‌ر لە شوێنێكی فێنك لە زە‌رفی كاغە‌ز ھەڵبگیرێت ماوە‌یە‌كی زیاتر دە‌مێنێتە‌وە .
١١- زە‌یتی زە‌یتون :
كاتێك دە‌خرێتە بە‌فرگر خە‌ست دە‌بێتە‌وە‌و وە‌ك پە‌نیری لێدێت باشتر وایە لە پلە‌ی گە‌رمی ئاسای ھەڵبگیرێت.
١٢- كولەكە‌ی گە‌ورە :
بە‌ھە‌مان شێوە كاتێك دە‌خرێتە بە‌فرگر زووتر كۆن دە‌بێت.