ناوه‌ڕۆك
ناساندن
هاوتاوان (بە فارسی: همگناه، بە ئینگلیزی: The Accomplice) زنجیرە فیلمێکی تۆڕی نمایشی ماڵەوەی وڵاتی ئێرانە و کاری دەرهێنان و بەرهەمهێنانی لەلایەن موستەفا کیاییەوە ئەنجام دراوە. ساڵی ٢٠١٩ بڵاوکراوەتەوە. هاوتاوان یەکەم ئەزموونی موستەفا کیایییە لە تۆڕی نمایشی ماڵەوە. بەشێوەیەکی هاوبەش، هەردوو تۆڕی نماوا و فیلیمۆ بڵاوکردنەوەی بەرهەمەکەیان لەئەستۆگرتووە.
کاری نووسینی لەلایەن عەلی کوچەکی و موحسین کیاییـەوە بۆ کراوە.
چیرۆک
چیرۆکی زنجیرەکە باس لە خێزانێکی دەوڵەمەند دەکات بەناوی سەبووری، کە کەسە سەرەکییەکانیان سێ برا و خوشکێکن و برا گەورەکەیان توندگیرە و هەمووکەسێکی لە خێزانەکەیاندا پێ قبووڵ نییە، ڕۆژێک بە هاتنی کوڕێک بۆ خێزانەکە، نەهامەتی و کێشە ڕووبەڕووی خێزانی سەبووری دەبێتەوە.
زانیاری
زنجیرەکە لە دوو وەرزی ١٢ ئەڵقەیی ٥٠ خولەکی پێکهاتووە و لەگەڵ بڵاوبونەوەی بووە پڕبینەرترین زنجیرەی وڵاتی ئێران. بەرهەمهێنەری دراماکە موستەفا کیاییە و کاری مۆنتاژی لەلایەن (نیما جەعفەری جوزانی)ـەوە کراوە و تەواوی وێنەگرتنەکەی لە شاری تاران بووە. کاری وێنەگرتنی (حوسەین جەلیلی) ئەنجامی داوە. ئەم بەرهەمە هەموو ڕۆژانێکی دووشەممە ئەڵقەیەکی لێ بڵاودەکرایەوە لە هەر سێ تۆڕی (نەماوا و فیلمیۆ و تۆڕی نمایش خانگی) دادەنرا کە یەکەمین و دووەمین بە پارە بوو و سێیەمینیش بەخۆڕایی. هەریەک لە موحسین چاوشی و عەلیڕەزا قوربانی گۆرانیی زنجیرەکەیان چڕیووە.
بەشداربووان
| کەسایەتی | ڕۆڵ |
| پەرویز پەرەستوویی | فەریبورز سەبووری |
| هەنگامە قازیانی | لەیلا کووهی |
| موحسین کیایی | ئارمان دەربەندی |
| حەبیب ڕەزایی | پەرویز کووهی |
| مەهدی پاکدێل | فەرهاد سەبووری |
| مەسعوود ڕایگان | فەرید سەبووری |
| ڕوئیا تەیمووریان | فەریدە سەبووری |
| هەدیە تارانی | زیبا فەخری |
| ئەفسانە چهرەئازاد | نەسرین |
| شاهروخ فروتەنیان | ئیرەج دەربەندی |
| ئیحسان کەرەمی | ئەمین دەربەندی |
| ڕۆشەنەک گرامی | نیکی |
| سوگل خەلیق | سیما سەبووری |
| حسێن ئومیدی | سامان کامەرانی |
| مارال بەنی ئادەم | سارا سەبووری |
| عەلی باقری | ڕەحمان |
| فروغ قەجابگلی | سوغرا |
| ساقی حاجی پور | هەدیە |
| فرانک کەلانتەر | ئەفسانە |
| شیرین ئیسماعیلی | لیدا |
گۆرانییەكان
- گۆرانی همگناه بۆ تیتراژی کۆتایی وەرزی یەکەم لەلایەن عەلیڕەزا قوربانییەوە
- گۆرانی شروع ناگهان بۆ کۆتایی تیتراژی وەرزی دووەم لەلایەن عەلیڕەزا قوربانییەوە
- گۆرانی خیال خوش بە شێوەی کلیپ لە ناوەڕاستی وەرزی دووەم لەلایەن عەلیڕەزا قوربانییەوە
- گۆرانی همگناە لە وەرزی دووەم بە شێوەی کلیپ لەلایەن موحسن چاوشییەوە.
