هیپۆترۆمی - دابەزینی پلەی گەرمای لەش

هیپۆترۆمی - دابەزینی پلەی گەرمای لەش

ئەم حاڵەتە کاتێک ڕوودەدات کە پلەی گەرمای لەش بۆ کەمتر لە (٣٧) پلەی سەدی دابەزێت. کەسانی بەتەمەن و لاواز و بێ هێز، هیلاک و برسی بێت زیاتر ئەم دابەزینی پلەی گەرمایە تیایاندا ڕوودەدات، خاسیەتەکانی ئەو کەسانەی کە تیایاندا ڕوودەدات بریتییە لە:

1. یەکەم جار لەشیان دەلەرزێت
2. پێستیان سارد و وشک دەبێت
3. لێدانەکانی دڵ کەم دەبێتەوە
4. ژمارەی هەناسەدانەکانی کەمتر دەبێتەوە لە حاڵەتی ئاسایی
5. پلەی گەرمای لەش (٣٥) پلەی سەدی و کەمتر دەبێت
6. خەواڵویی دەردەکەوێت و لەوانەیە ببێتە هۆی بێ هۆش بوون
7. لەوانەیە وەستانی دڵی پێوە بێت

دەرمان کردنی بەهۆی گەرم کردنەوە توش بوو زۆر خێرا و بەبێ دواکەوتن گەرم بکرێتەوە. وانەزانێت کە توش بوو مردووە مەگەر ئەوەی کە مردنەکەی ئاشکرا بێت. کەمبوونەوەی پلەی گەرمای لەش ئۆکسجینی تەواو دەگەیەنێت بە مێشک و لە ئەنجامدا توش بوو لە کاتی وەستانی دڵ زۆرتر دەمێنێت بە زیندوویی تاوەکو کەسانی کە تووشی دڵە وەستێ دەبن.

چۆنیەتی چارەسەر و ڕوبەڕوو بوونەوەی

• ئەگەر کەسەکە ئاگای لە خۆیەتی (بێ هۆش نەبووە) ئەوا بیخەنە سەر چێگایەکی گەرم و سەری نەک دەموچاوی داپۆشن.
• خواردن و خواردنەوەی گەرمی پێ بدەن
• ئەگەر نەخۆش بێ هۆش بووبوو لە کاتی پێویستدا لە ڕێگەی دەم بە دەمیەوە بنێن و هەناسەی دەستکردی بدەنێ و مەساجی دڵی بۆ بکەن.
• هەرگیز بە دەست لێدان گەرمی مەکەنەوە، و بەزۆر وای لێ مەکەن کە خۆی بجوڵێنێت بۆ ئەوەی کە گەرم بێتەوە.
• توش بووەکە مەخەنە ناو ئاوی گەرم چونکە لە بری ئەوەی کە خوێن بە شوێنە سەرەکییەکەی خۆی بگەڕێتەوە دێتە ناو دەمارەکانی سەرەوەی بەینی پێست.

سەرچاوەکان

1. بۆردی نوسەرانی ئینسکلۆپیدیای زانیاری
2. پەڕتووکی ''پزیشکی خێزان'' /ن: فرهاد همت خواە