ڕێنمای بۆ توشنەبوون بە پشتئێشەی پەیوەست بە كۆمپیتەر
كۆمەڵەی پزیشكانی ئێسك لە ئەڵمانیا دەڵێن ڕۆژانە دانیشتنی چەند كاژێرێك لەبەرامبەر شاشەی كۆمپیتەر، دەبێتە ھۆی پشتئێشە، بۆ دوور بوون لەو ئازارەیش، كۆمەڵەكە ئامۆژگاریتان دەكات بۆ ھەر دانیشتن لەبەرامبەر كۆمپیتەر، دوو یان سێ ناوبڕی كورت وەربگرن و ھەندێك بجوڵێن.
ھەروەك ئامۆژگاریتان دەكات لە پلانەكانی وەرزشكردنتان ھەفتانە جارێك یان دوو جار وەرزشی بەھێزكردنی ماسولكەكانی پشت ئەنجام بدەن، تاكو بەھێز بن لە بەرامبەر كاریگەریە نەرێنیەكانی دانیشتنی درێژخایەن.