وەڵامدانەوەی بانگ خەیری چەندە؟
هەر کەسێک گوێی لە بانگ، یان ئیقامەتێک بوو، سوننەتە ئەویش وەکو بانگدەر ووشەکان بڵێ، بەڵام لە کاتی (حی علی الصلاة، حی علی الفلاح) بڵێ: (لا حول ولاقوة الا بالله) رواه مسلم.
هەروەها لە دوای بانگ و لە دوای ئیقامەت سوننەتە بانگدەر و ئەوەی گوێی لێبووە: سەڵاوات لێ بدەن، پێغەمبەر ﷺ فەرموویەتی: (إِذَا سَمِعْتُمُ النِّدَاءَ فَقُولُوا مِثْلَ مَا يَقُولُ الْمُؤَذِّنُ، ثم صلوا عليَّ، فإنه مَن صلَّى عليَّ صلاةً صلى الله عليه بها عشرًا) رواه مسلم و أصحاب السنن، کاتێ گوێتان لە بانگەوازی نوێژ بوو -واتە: بانگ و ئیقامەت- ئێوەش وەکو بانگدەرەکە وشەکان بڵێن، ئینجا لە دواییدا سەڵاواتم لەسەر لێبدەن، چونکە هەر کەسێک یەک سەڵاواتم لەسەر لێبدا، خوای گەورە دە ڕەحمەتی بەسەردا دەبارێنێ.
هەروەها لە دوای بانگ و لە دوای ئیقامەت سوننەتە بڵێ: (اللهمَّ ربَّ هذه الدعوةِ التامةِ والصلاةِ القائمةِ آتِ محمدًا الوسيلةَ والفضيلةَ وابعثه المقامَ المحمودَ الذي وعدتَه) رواه البخاري.
(وعن أبی هریرة رضي الله عنه: أنه کان -اذا سمع المؤذن یقیم الصلاة- یقول: اللهمَّ ربَّ هذه الدعوةِ التامةِ والصلاةِ القائمةِ صل علی محمد وآته سؤله یوم القیامة) رواه ابن السنی، واتە: کە (ابوهریرة) گوێی لە ئیقامەتی نوێژ ئەبوو بەم وشانەی ڕابردوو سەڵاواتی لێ دەدا و دوعای بۆ پێغەمبەر ﷺ ئەکرد.
