ناوه‌ڕۆك
وازهێنان لە فەرزی حەج لەگەڵ بوونی توانادا
خوای گەورە دەفەرموێت (وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلًا) واتە خوای گەورە بڕیاریداوە لەسەر خەڵکی حەج و سەردانی (بیت الحرام) بە تەنها ئەوانەی کە توانای (دارایی و تەدروستییان) هەیە.
عەمەری کوڕی خەطاب دەڵێت: واهات بە خەیاڵمدا چەند پیاوێک بنێرم بۆ شارەکان، تەماشا بکەن بزانن کێ توانای هەیە و حەج ناکات، سەرانەیان لێ وەربگرن چونکە ئەوانە موسوڵمان نین.
وە لە (ابن عباس)ـەوە دەڵێت: هیچ کەسێک نییە حەج نەکا و زەکاتی ماڵەکەی نەدات، ئیللا لە کاتی مردنیدا داوای گەڕانەوە دەکات بۆ دنیا، ئەمەش تەنها بێ باوەڕان داوای گەرانەوە دەکەن؟ وتی ئەمە لە کتێبی خوادا هاتووە: (وَأَنفِقُوا مِن مَّا رَزَقْنَاكُم مِّن قَبْلِ أَن يَأْتِيَ أَحَدَكُمُ الْمَوْتُ فَيَقُولَ رَبِّ لَوْلَا أَخَّرْتَنِي إِلَىٰ أَجَلٍ قَرِيبٍ فَأَصَّدَّقَ) واتە زەکاتی ماڵم دەربکردایە (وَأَكُن مِّنَ الصَّالِحِينَ) واتە: حەجم دەکرد (وَلَن يُؤَخِّرَ اللَّهُ نَفْسًا إِذَا جَاءَ أَجَلُهَا ۚ وَاللَّهُ خَبِيرٌ بِمَا تَعْمَلُونَ) وترا: زەکات لە چەند واجب دەبێت؟ وتی: بە دووسەد دینار بە قیمەتی ئاڵتوون. وترا: ئەی حەج بە چی واجب دەبێت؟ وتی: بە تێشوو خواردنت هەبێت بۆ ڕیگە و بان، حوشتری بەرز (هۆی گواستنەوە بۆ ڕێگە و بان).
لە سەعید کوڕی جبیرەوە دەڵێت هاوسێیەکم مرد و توانای حەج کردنی هەبوو بەڵام حەجی نەکرد، نوێژم لە سەری نەکرد.
