ناوه‌ڕۆك
نەخۆشی دەردە جوڵە چییە؟
نەخۆشی دەردە جوڵە حاڵەتێکی ناخۆشە کە لەکاتی گەشت کردن بە ئۆتۆمبێل یان فڕۆکە و هەر شتێک ببێتە هۆی جوڵەیکەسەکە ڕوودەدات، ئەم کێشەیە بەهۆی گوێی ناوەڕاستەوە ڕوودەدات و هاوسەنگی گوێی ناوەوە تێکدەچێت، گوێی ناوەڕاست پڕ لە شلەیە و بەرپرسی ڕاگرتنی هاوسەنگی جەستەیە.
نیشانەکانی دەردە جوڵە چییە؟
- نەمانی حەزی خواردن.
- دڵتێکچوون و ڕشانەوە.
- هەست بە سوڕان و گێژبوون.
- لاوازی و ناهاوسەنگی.
- باوێشک
هۆکارەکانی نەخۆشی دەردە جوڵە
هۆکارەکەی گەشت کردنە بە فڕۆکە، ئۆتۆمبێل، بەلەم، سواربوونی یارییە جوڵاوەکان کە دەبنە هۆی جوڵانی شلەی گوێی ناوەڕاست و هاوسەنگی تێکدەدەن و ئەویش پەیام دەنێرێت بۆ بەشی ڕشانەوە لە مێشکدا و دواتر کەسەکە دەڕشێتەوە و کۆمەڵێک نیشانەی تریشی دەبێت.
هۆکارەکانی خراپبوونی حاڵەتەکە
- گەشت کردن
- پەستانی دەروونی
- خواردنەوەی ماددە کهولیەکان
- ژینکەی پیس و ئالوودە بە تەپوتۆز
- خێرا جوڵانی شتەکان لەبەرچاوو
ڕێگاکانی ڕێگری کردن لەم حاڵەتە
- پێش یان کاتی گەشتەکەشت دوورکەوە لە خواردنی قورس و خواردنەوەی ماددە کهولیەکان و هەوڵبدە کە میوە و شلەمەنی زۆر بخۆیت و هەروەها دوورکەوە لە خواردنی شتی سار.
- لەکاتی گەشتەکەدا هەوڵبدە لە شوێنێکی جێگیر دانیشیت تا زۆر نەجوڵێیت.
- ئەگەر دەکرێت جوان پاڵبدەرەوە بە کورسیەکەتەوە.
- هەناسەی قووڵ و لەسەرخۆ بدە.
- هەوڵبدە دوورکەوە لەو شوێنەی کە تێیدا جگەرە دەکێشرێت.
- جامەکان بکەرەوە تا هەوا لێت بدات.
- دوورکەوە لە کتێب خوێندنەوە و سەیرکردنی مۆبایل.
- پێش ئەوەی دەست بکەیت بە گەشتەکەت دەرمان بەکاربهێنە.
- هۆکاری دەروونیش کاریگەری هەیە لەسەر ئەم حاڵەتە، هەوڵبدە پێش گەشەکەت باری دەروونیت جێگیر بێت، و دڵخۆش و گەشبین بەو مەترسە لەوەی کە لە گەشتەکەتدا دووچاری ئەم حاڵەتە ببیتەوە.
ئەو نیشانانەی کە دوای گەشتەکەت تووشی دەبیتەوە چین؟
- وشکبوونەوەی جەستە بەهۆی ڕشانەوەوە.
- کەوتن بە شوێنێکدا بەهۆی ناهاوسەنگیتەوە.
چارەسەکردنی دەردە جوڵە
- کاتێک تووشی ئەم حاڵەتانە بوویتەوە هەوڵبدە لە ژورێکی تاریکدا پشوو بدەیت و پەڕۆیەکی تەڕی فێنک بخەیتە سەر ناوچاوت.
- هەوڵ مەدە ڕێگری بکەیت لە ڕشانەوەت چونکە ڕشانەوەکە باشە و دواتر هەستی دڵتێکچوونت ناهێڵێت، بەڵام هەوڵیش مەدە ئەگەر دڵتێکچوونت هەبوو بە زۆر خۆت بڕشێنیتەوە.
- هەوڵبدە زۆر چاوت مەجوڵێنە و تەنها سەرنج بخە سەر خاڵێک لەکاتی گەشتەکەتدا.
- دەرمانیش یەکێکە لەڕێگا چارەسەرەکان کە دەتوانیت نیو کاتژمێر پێش گەشتەکەت یەکێک لەم حەپانە بخۆیت (dimenhydrinate ،Meclizine).
سەرچاوەکان
515 بینین
