سەروەزیران

سەرۆکی حکوومەت

سەرۆک وەزیران یاخود سەرۆکی حکوومەت، کەسێکی بڵندپایەی حکوومەتە و پلەکەی لە سەرووی هەموو وەزیرەکانی دیکەوەیە، بەرپرسی جێبەجێکردنی پڕۆژە و کارەکانی حکوومەت و وەزیرەکانی دیکەیە و بڕیارەکان پەسەند دەکات لە سیستمی پەرلەمانی و نیمچەسەرۆکایەتی، زۆرینەی کات سەرۆکی حکوومەتیشە و تەواوی کارەکانی حکوومەت ڕادەپەڕێنێت و زۆرترین ئەرکی دەکەوێتە ئەستۆ.

تایبەتمەندی

لە سیستمی پەرلەمانیدا سەرۆک وەزیران دەبێتە سەرۆکی حکوومەت و دەسەڵاتی بڕیاردان و جێبەجێکردنی لەسەر دەکەوێت و لەم جۆرە حکوومەتانەدا سەرۆکی وڵات زۆرینەی کات کە دەکرێت سەرۆک کۆمار یان پادشا یان ئیمپڕاتۆر بێت، دەسەڵاتێکی فەخری پێدەدرێت و کارەکان سەرۆکی حکوومەت ڕایدەپەڕێنێت.

سەرۆکی حکوومەت لە زۆرینەی حکوومەتەکانی جیهان خۆی وەزیرەکانی دیکە هەڵدەبژێرێت و ئاگاداری تەواوی دامودەزگاکانی حکوومەتە، لە هەندێک کات سەرۆکی حکوومەت پێشتر لە هەڵبژاردن ئەندامی پەرلەمان دەبێت و لەدوای دەرچوونی دەبێتە سەرۆکی حکوومەت، دەکرێت جگە لە کاروباری سەرۆکایەتی کاری دیکەش ئەنجام بدات وەک سەرۆک وەزیرانی بەریتانیا کە بەرپرسی یەکەمی خەزێنە و خزمەتگوزاری مەدەنییە.

 

سەرچاوەکان

1. Dr Andrew Blick and Professor George Jones — No 10 guest historian series, Prime Ministers and No. 10 (1 January 2012). "The Institution of Prime Minister". Government of the United Kingdom: History of Government Blog. Archived from the original on 10 March 2016. Retrieved 15 April 2016.
2. Johnston, Douglas M.; Reisman, W. Michael (2008). The Historical Foundations of World Order. Leiden: Martinus Nijhoff Publishers
3. Seidle, F. Leslie; Docherty, David C. (2003). Reforming parliamentary democracy. McGill-Queen's University Press.
4. بۆردی نووسەرانی ئینسایکلۆپیدیای زانیاری