شه‌ربه‌تی مێوژ

دروستکردنی شەربەتی مێوژ

گیراوەکەی لە کۆنەوە بەکاردێت لە وڵاتی شام و دەوروبەری بەتایبەتی لە مانگی ڕەمەزان، چونکە وزە و چالاکی زیاد دەکات پاش ماوەی تێنوویەتی و ماندووبوون ئەو دەنکانە لەناو ئاو دادەنرێن بۆ ماوەیەک تاکو دەئاوسێ و دوایی لەناو پارچە قوماشێک دادەنرێت و دەگوشرێ و دوایی ئاو  و شەکر و بخوری بۆ زیاد دەکرێت.

پێکهاتەی شەربەتی مێوژ

1. هەمان پێکهاتەی مێوژی هەیە.
2. شەکری زۆر تێدایە.
3. پڕۆتینی کەم تێدایە.
4. کانزای وەک پۆتاسیۆم و سۆدیۆم و مەگنیسیۆم و ترشی فۆسفۆڕی و ئاسن و سیلینیۆم و بۆرونی تیایە.
5. ڤیتامینی (ئەی و بی١ و بی٢ و بی٥ و بی٦ و سی) تیایە.

سوودەکانی شەربەتی مێوژ

1. چالاکی گەدە و ڕەوانیی زیاد دەکات.
2. مایەسیری چارەسەر دەکات.
3. چالاکی جگەر زیاد دەکات.
4. میزکردن زیاد دەکات و بەرد دەتوێنێتەوە، بۆ نەخۆشی شاهانە باشە.
5. پڕۆتینی گورچیلە کەم دەکاتەوە.
6. بەرگری لە شێرپەنجە و نەخۆشی دڵ دەکات.

سەرچاوەکان

1. په‌رتووكی:هونه‌ری چێشلێنان/ ن:تارا ئه‌مین