شەڕی پردی مارکۆ پۆلۆ

ئاگری جەنگ

ڕووداوی پردی ماركۆ پۆلۆ شەڕێكی بچووك بوو لە شەوی حەوتەمی مانگی تەمموزی ساڵی 1937 ڕوویدا لە نێوان هێزەكانی حیزبی كۆمینتاگ (سووپای میلـلی شۆڕش) و سووپای ژاپۆن، كاتێك هێزێكی ژاپۆنی لە نزیك پردەكە خەریكی مانۆری سەربازی دەبن دەنگی چەند فیشەكێك دێت و فەرماندەكەیان هەواڵ دەنێرێت كە لەلایەن چینەوە تەقەیان لێكراوە و چەند سەربازێكیان دیار نین.

هەرچەند دوای تەلەفۆنەكە ڕوونبوویەوە كە سەربازە ونبووەكان ڕۆشتوون بۆ ئاودەست، بەڵام دوای بیستنی دەنگی سێ فیشەكی دیكە لە كاتژمێر سێ و نیوی بەیانی ڕۆژی هەشتەمی تەمموز، فرمانی هێرش بۆ سەر چین دەركرا، لە ڕۆژی یانزەیەمی تەمموز پەیماننامەیەك لە نێوان هەردوو سووپا بەسترا كە چین بەرپرسیارێتی ڕووداوەكەی لە ئەستۆ گرت، بەڵام ئەو فەرماندە ژاپۆنییانەی حەزیان بە جەنگ بوو لە دەستەی باڵای سووپا بەبێ ئاگاداربوون لە پەیماننامەكە فرمانی هێرشەكەیان بەردەوام پێدا و بەمەش جەنگی هەشت ساڵەی نێوان دوو وڵات دەستی پێكرد.

سەرچاوەکان

1. Dorn, Frank (1974). The Sino-Japanese War, 1937–41: From Marco Polo Bridge to Pearl Harbor. MacMillan. ISBN 0-02-532200-1.
2. Dryburgh, Marjorie (2000). North China and Japanese Expansion 1933–1937: Regional Power and the National Interest. RoutledgeCurzon. ISBN 0-7007-1274-7.
3. بۆردی نوسەرانی ئینسكلۆپیدیای زانیاری