پشوودانی باش
هەموو شەوێک باش بخەون خەوتنەکەش لەنێوان شەش بۆ هەشت کاتژمێردا بێت ئاوی زۆر بخۆنەوە، دوورکەونەوە لە خواردنەوە کهولی و پڕ شەکرەکان تا بتوانن پێستێکی ناسک و سەرنج ڕاکێشتان هەبێت
برۆکانت ڕێکبخە
برۆ بەشێکی گرنگی ڕووخسارە و کاریگەری زۆری هەیە لەسەر ڕووخسار، جوان داهێنان و ڕێککردنی تاڵەکان گرنگە بۆ جوانی ڕووخسار.
نەرمکەرەوە بەکاربهێنن بۆ ڕووخسار و جەستەتان
هەموو ڕۆژێک نەرمکەرەوە بدەن لە ڕووخسار و جەستەتان و هەوڵبدەن هەرگیز دژەخۆرتان بیر نەچێت کاتی چوونە دەرەوەتان، بە ڕۆژدا کاتی چوونە دەرەوە چ خۆربێت یاخود باران کرێمی دژە خۆر بەکاربهێنە و شەوانیش نەرمکەرەوه.
لێوت شێدارکەرەوە
ئەگەر لێوت قڵیشاوە و قاش قاش بووە ئەوا هەوڵبدە جوان شێدارکەرەوەی لێبدەیت و زەیتی بۆ بەکاربهێنیت تا نەرم ببێتەوە.
خواردنی سەلامەت
خواردنی میوە و سەوزەوات دەبنە هۆی شێداری پێست و لە وشکبوونەوە دەیپارێزن، هوڵبدەن پێش نانخواردن میوە بخۆن تا پێستێکی ڕەونەقدار و جوانتان هەبێت.
قژی سەلامەت
بۆ قژتان شامپۆیەک بەکاربهێنن کە بگونجێت لەگەڵ قژ و پێستی سەرتدا هەروەها موکەیفیش بەکاربهێنن بۆ نەرمکردنەوەی قژەکە.
برژانگ
برژانگەکانت بە پەنجە بۆ سەرەوە ببەن و پەنجەت بە شتێک تەڕ بکە و بڕژانگەکانت ببە سەرەوە وەک ئەوەیە کە ماسکارات کردبێت و جوانتر و ڕێکتر دەردەکەوێت.
