ناوه‌ڕۆك
مام کێیە؟
مام کەسێکە کە دەبێتە برای باوک (بە ئینگلیزی: Uncle)، وشەی مام لەلایەن منداڵەکانەوە بەکاردەهێنرێت بۆ ئەو کەسەی برای باوکیانە، لە ئەگەری نەبوونی باوک مام جێگای دەگرێتەوە و دەبێتە سەرپەرشتی ناڕاستەوخۆی برازاکانی و ئاگاداریان دەبێت و بە خزمی پلە دوو دادەنرێت، لە نەریتی کوردەواری باوک و مام پێکەوە دوو پێگەی زۆر گرنگن و لە زۆربەی بۆنەکانی وەک هاوسەرگیری و تەڵاق وەک چۆن گوێ بۆ باوک دەگیرێت و پرس و ڕای پێدەکرێت بەو شێوەیەش مام ئەرکی لە ئەستۆیە و خاوەن دەسەڵاتە، بەڵام ئەمە شتێکی ڕێژەییە و لە هەموو شوێنێک وەک یەک نییە.
پەیوەندی
لە ئایینی ئیسلام مام بۆ برازا کچ و کوڕەکانی مەحرەمە و هەموو ئەو کارانەی دەتوانن لەگەڵ برا و باوکیان بیکەن بۆ مامیش ئاساییە، مام ناتوانێت برازاکچەکانی بخوازێت، بەڵام دەتوانێت بیانخوازێت بۆ منداڵەکانی کە پێیان دەوترێت ئامۆزا.
وشەی مام لە جیهان
| کوردی | مام، مامە، مامۆ |
| شێوەزاری هەورامی | مامو، مامۆ |
| شێوەزاری کرمانجی | Mam |
| ئینگلیزی | Uncle |
| عەرەبی | عم |
| فارسی | عمو، برادر پدر |
| ئەفغانی | کاکا |
| چینی | 叔叔 |
| ڕووسی | Дядя |
| ئوردو | انکل |
سەرچاوەکان
406 بینین
