ناوه‌ڕۆك
ئێم فۆڕ چییە؟
چەکی ئێم فۆڕ یاخود M4ـی ئەمریکی، چەکێکی دروستکراوی ئەمریکییە و ساڵی ١٩٩٤ دروستکراوە، وەک چەکی سەرەکی لە سوپای ئەمریکا بەکاردێت کە بە قەبارەی بچووک و کێشی سووک و تایبەتمەندییەکانی دەناسرێتەوە، دەکرێت نارنجۆک هاوێژ و دووربینی بینایی شەوانە لەسەری جێگیر بکرێت.
هەروەها وەک چەکێکی نیشانەشکێن بەکاردێت و هەموو جۆرە فیشەکێکی هەیە وەک سووتێنەر و تەقیو و لەلایەن زۆرێک لە وڵاتانی وەک دەوڵەتی ئیسرائیل و فەڕەنساوە بەکاردێت. کاربینی ئێم ٤ یەکێکە لەو چەکانەی سەر بە ڤێرژنەکانی پێشووی چەکی ئێم ١٦ ـی کاربینە و لەو خێزانەیە، کە ئەویش لە چەکی Ar-15ـەوە وەرگیراوە.
ئێم ٤ جێگرەوەی چەکی ئێم ۱٦ ئەی ۲ـە بە کێشێکی سووکتر و قەبارەیەکی بچووکتر، لەگەڵ ۸۰ بەشی هاوبەش لەگەڵیدا.
هەروەها فیشەکی 5.56 میلیمەتر و بە ستانداردی ناتۆیە، کاربینی ئێم ٤ بە شێوەیەکی سەرەکی لەلایەن یەکە سەربازییەکانی ئەمریکاوە بەکار دەهێنرێت.
ئەم چەکە دەتوانێت بە سێ شێوە فیشەک بهاوێژێت:
- تاک: بۆ هەر فیشەکێک دەبێت دەست بە پەلەپیتکەکەدا بنێیت.
- سێیی: لە هەر جارێک دەست لەسەر پەلەپیتکە دابنرێت سێ فیشەک دەهاوێژێت.
- ئۆتۆماتیکی: هەرچەند دەست لەسەر پەلەپیتکەکە بێت فیشەک دەهاوێژێت.
تایبەتمەندی گشتی
جۆر: چەکی نیمچەئۆتۆماتیک
وڵات: ویلایەتە یەکگرتووەکانی ئەمریکا
ساڵی دروستکردن: ١٩٨٧ - ئێستا
دیزاین: ساڵی ١٩٨٧ بۆ ١٩٩٣
ماوەی بەکارهێنان: ١٩٩٤ – ئێستا
جەنگەکان: جەنگی عێراق، جەنگی ئەفغانستان
کۆمپانیا: کۆمپانیای کۆڵتی پیشەسازی
چەکی ڕیمینگتۆن
ئێف ئێن هێرستال
نرخ: بەکارهێنراو (٥٤٥ دۆلار) و نوێ (٦٣٠ دۆلار)
کالیبەر: ٤٥×٥,٥٦
درێژی: ٨٣ سانتیم
کێش: ٣,١٥ کیلۆگرام
خێرایی فیشەک: ٨٤١ مەتر لە چرکەیەک
ژمارەی فیشەک لە خولەکێک بە هاوێشتنی ئۆتۆماتیمی: ٧٠٠ بۆ ٩٥٠ فیشەک
ژمارەی فیشەک لە خولەکێک بە هاوێشتنی نیمچە-ئۆتۆماتیکی: ٣٠ – ١٠٠ فیشەک
مەودای کوشتن: ٥٠٠ مەتر
کۆگا: ٣٠ فیشەک
بەکارهێنەران
- ئیسرائیل
- ئەمریکا
- تورکیا: پۆلیس و جەندرمە
- عێراق: هێزە تایبەتەکان، هەندێک یەکەی حەشدی شەعبی، هێزی دژەتیرۆری عێراق، هێزی دژەتیرۆری کوردستان
- میسڕ: هێزە تایبەتەکان
- تونس: هێزە تایبەتەکان
- لەگەڵ هەندێک وڵات کە بۆ مەبەستی جیا بەکاری دێنن، وەک (مالیزیا، ئیندۆنیزیا، هیندستان، یۆنان، جۆرجیا، غانا، سلڤادۆر، ئیکوادۆر، دۆمەنیکا، کۆڵۆمبیا، چین، کرواتیا، بۆسنە و هەرسک، بۆلیڤیا، ئازەربایجان، بەحرەین، ئوستوڕالیـا، ئەرجەنتین، جەزائیر، ئەلبانیا، هەنگاریا، جامایکا، ژاپۆن، ئوردن، کوەیت، لوبنان، کۆسۆڤۆ، پاکستان، پۆڵەندا، پورتوگال، ڕووسیا، سەنیگال، سەنگاپوورە، تایوان، کۆریای باشوور، ئۆگەندا، یەمەن).