ناوه‌ڕۆك
ناساندن
یاریی ئەلیکترۆنی فیفا ٢٢ (بە ئینگلیزی: FIFA 22) یارییەکی ڤیدیۆییی وەرزشی ئاست بەرزە و لەلایەن کۆمپانیای ئی ئەی ڤانکۆڤەرەوە دروست کراوە و کۆمپانیای ئەلیکترۆنیک ئارتس وەک زنجیرەی یارییەکانی فیفا بڵاوی کردووەتەوە. فیفا ٢٢ دەبێتە ٢٩ـەمین زنجیرەی یارییەکانی فیفا.
یارییەکە لە ١١ـی تەمووزی ٢٠٢١ ڕاگەیەنرا و بڕیاردرا کە لەسەر پلاتفۆڕمەکانی مایکرۆسۆفت ویندۆز، نینتێندۆ سویچ، پلەیستەیشن ٤، پلەیستەیشن ٥، Xbox One، Xbox Ceres X و Google Stadia کار بکات و لە یەکی تشرینی یەکەمی ٢٠٢١ بڵاوبوویەوە. ڕۆژی ٢٠ـی تەمووز لە یوتیوب شێوازی یارییەکە بڵاوکرایەوە و کیلیان مباپێ وەک یاریزانی بەرگی یارییەکە دەرکەوت.
تایبەتمەندییەکان
- شێوازی فرەیاری ئۆنلاین لە فیفای ٢٢.
- بۆ یەکەمین جار لە بەشی ڕاهێنەر دەتوانیت یانەی تایبەت بە خۆت دروست بکەیت و لۆگۆ و شێوازی تایبەتی پێ ببەخشیت و ببیتە خاوەنی تاکتیکی خۆت و یاریزانی تایبەت هەڵبژێریت و بەڕێوەی ببەیت.
لە یاریی فیفا ٢٢ زیاتر لە ٧٠٠ تیپ و ١٢٥ یاریگا لە ١٧ وڵاتی جیهانی دروست کراوە. هەریەک لە یۆڤانتۆس، ڕۆما، ئەتلانتا و لازیۆ بە شێوەیەکی فەرمی لەگەڵ کۆمپانیاکە ڕێکنەکەوتوون بۆیە بە ناوی ڕاستی خۆیانەوە تۆمار نەکراون. زۆرێک لە یانەکان یاریگەی تایبەتی خۆیان تۆمار کراوە بەڵام بارسێلۆنا و بایرن میونخ مۆڵەتی یاریگای خۆیانیان نییە و لە یاریگای گشتیدا یاری دەکەن.
یارییەکە لە چاو یارییەکانی پێش خۆی خاوەنی دوو کۆمێنتاری نوێیە کە ستیوارت ڕۆبسۆن لە شوێنی لی دیکسۆن دانراوە و ئەلێکس سکۆت شوێنی ئالان ماکینالی پڕ کردووەتەوە.
دەنگدان
| Metacritic | (کۆمپیوتەر) 73/100 (پلەیستەیشن ٥) 78/100 (ئێکس بۆکس) 78/100 |
| بڵاوکەرەوە | نمرە |
|---|---|
| Game Informer | 7/10 |
| GameSpot | 8/10 |
| GamesRadar+ |    |
| IGN | 7/10[ (NS) 2/10 |
| Nintendo Life | (NS)   |
| Push Square | |
| The Guardian | |
