تیپی مۆسیقای شنروێ

سەرەتا

تیپی مۆسیقای شنروێ (بە ئینگلیزی: Shinrwe Musical Band) گرووپێکی مۆسیقیی کوردی بووە. لە ٢٦ی نیسانی ١٩٧٣ زایینی بە ئامانجی پەرەپێدانی هونەر و مۆسیقا و دەوڵەمەندکردنی فۆلکلۆری کوردی لە شاری هەڵەبجە دامەزرا. ئەم تیپە بە یەکەمین تیپی مۆسیقای ئەم شارە دادەنرێت. لە ١٤ی تەممووزی ١٩٧٣ چالاکی گرووپەکە دەستی پێکرد و لەگەڵ تیپی شانۆی هەڵەبجە دەرکەوت، کە بۆ ماوەی پێنج شەو حەوت گۆرانی پێشکەش کرد، ئەم ئاهەنگە لە ناوچەکانی خورماڵ و پێنجوێن و تەوێڵەیش ئەنجامدرا. لە ساڵی ١٩٧٤ ئافرەتان بە شێوەی کۆرس یان گۆرانیبێژ ڕۆلێکی بەرچاویان لەو تیپەدا هەبووە. دوای ماوەیەک گرووپ لە کارکردن وەستاوە و هەندێک لە ئەندامان لەگەڵ تیپی مۆسیقای سلێمانی بەردەوام بوون.

دووبارە دەست پێکردنەوە

دوای دابڕانێکی زۆر بەهۆی ئەو جەنگ و کارەساتانەی بەسەر هەڵەبجەدا هاتوون، کە کاریگەری لەسەر بواری مۆسیقا و گۆرانیش هەبووە، تیپی مۆسیقای شنروێ لە ساڵی ٢٠٢٢ بۆ جارێکی تر فێرگەیەکی مۆسیقا لە هەڵەبجە دەکاتەوە، کە چەندین تەمەنی جیاواز لەسەر ئامێرە مۆسیقییەکان ڕادەهێنێت و هانیان دەدات لە داهاتوودا ببنە گروپی مۆسیقی.

ئەندامەکان

دەستەی دامەزرێنەران:

1. ئازاد ساڵح
2. ئومێد نووری
3. مستەفا کەمال

بەشێک لە ئەندامان:

1. حیکمەت تۆفیق
2. هەڵکەوت محەممەد
3. عەزیز حەمەکەریم
4. فوئاد محەممەد
5. عەزیز بابان
6. شازاد نەقشبەندی

بەشێک کۆرسەکان:

1. بەختیار محەممەد مەحموود
2. ئیبراهیم شێخ ساحب
3. کامەران کەمال خەفاف
4. واحید مەلا ئەحمەد
5. سەرکەوت ئەحمەد مەحموود

بەشێک لە گۆرانیبێژان:

1. هۆشیار حەمەفەرەج
2. محەممەد ئیبراهیم عەبدول (حەمە قوتو)
3. ئازاد کەریم (ئازادە ڕەش)
4. سیروان عەلی
5. نجم محەممەد

بەرهەمەکان

هەندێک لە بەرهەمەکانی تیپی مۆسیقای شنروێ:

1. شیرین و کابان
2. شیرین گیان
3. کاڵێ
4. کۆچ
5. دێوانە

سەرچاوەکان

1. دەنگی ئەمریکا
2. شنروێ