ناوه‌ڕۆك
سەرەتا
مۆبایل (بە ئینگلیزی: Mobile phone)، یەکێکە لە شێوازەکانی ئامڕازی پەیوەندیکردنی گەڕۆک کە پشت بە پەیوەندیکردنی بێتەلی لە ڕێگەی تۆڕێک لە تاوەری پەخشی دابەشبوو لە چوارچێوەی ڕووبەرێکی دیاریکراودا دەبەستێت.
ئایا مۆبایل مەترسی لەسەر تەندروستی دروست دەکات؟
هەندێک کەس نیگەرانن لەوەی کە وزەی فریکوێنسی ڕادیۆیی لە مۆبایلەکانەوە دەبێتە هۆی شێرپەنجە یان مەترسییەکانی تری تەندروستی. بە پشتبەستن بە هەڵسەنگاندنی ئەو زانیاریانەی کە لە ئێستادا بەردەستن، FDA (ڕێکخراوێکە بەرپرسیارە لە پاراستن و پێشخستنی تەندروستی گشتی لەڕێگەی کۆنترۆڵکردن و چاودێریکردن)، کە پێی وایە قورسایی بەڵگە زانستییەکان نەخۆشییەکانی بە وزەی فریکوێنسی ڕادیۆیی لە بەکارهێنانی مۆبایلەوە نەبەستووەتەوە، بەڵگەکانیش هێندە زۆر نین تا بڵێن مۆبایل هۆکاری نەخۆشییەکانە. مۆبایلەکان لە کاتی بەکارهێناندا ئاستێکی نزم لە تیشکی نائایۆنیزە دەردەدەن. هەروەها جۆری ئەو تیشکە کە لە مۆبایلەکانەوە دەردەچێت بە وزەی فریکوێنسی ڕادیۆیی (RF) ناودەبرێت. وەک لەلایەن دامەزراوەی نیشتمانی شێرپەنجەوە ئاماژەی پێکراوە، "لە ئێستادا هیچ بەڵگەیەکی بەردەوام نییە کە تیشکی نائایۆنیزەکردن مەترسی شێرپەنجە لە مرۆڤدا زیاد بکات. تاکە کاریگەری بایۆلۆجی بەردەوام ناسراوی تیشکی فریکوێنسی تیشكی لە مرۆڤدا گەرمکردنەوەیە." پزیشکان و زانایان و ئەندازیارانی FDA بەردەوام شیکاری توێژینەوە و بڵاوکراوەکانی زانستی دەکەن بۆ بەڵگەی کاریگەرییە تەندروستییەکانی بەرکەوتن بە وزەی فریکوێنسی ڕادیۆیی لە مۆبایلەکانەوە. قورسایی نزیکەی ٣٠ ساڵ بەڵگەی زانستی، بەرکەوتنی بە وزەی فریکوێنسی ڕادیۆیی لە بەکارهێنانی مۆبایلەوە بە کێشەی تەندروستی، وەک شێرپەنجە، نەبەستووەتەوە.
