لەبیرچوونەوەی لەناکاو و هۆکارەکانی

لەبیرچوونەوەی لەناكاو

كێشەی لەبیرچوونەوەی لەناكاو یەكێكە لە نیشانە باوەكانی ئەم سەردەمەی كە تێیدا دەژین، كە منداڵ و گەنج و گەورەكان پێوەی دەناڵێنن، ئەم كێشەیە دروست دەبێت لە ئەنجامی لاوازی بیركردنەوە و لەدەستدانی توانای بیركەوتنەوەی شتەكان بۆ ماوەیەكی كاتی و لەناكاو، كە دەكرێت ببێتە هۆی دوودڵی و شڵەژان و دروستبوونی فشار لە كەسەكەدا، دەكرێت بڵێن هۆكارەكانی ئەم لەبیرچوونەوەیە پەیوەندی بە كێشە و فشارەكانی ژیانەوە هەیە، هەروەها دەكرێت بەبۆنەی چوونە تەمەنەوە تووشببیت.

هۆكارەكانی لەبیرچوونەوەی لەناكاو

كێشەی لەبیرچوونەوەی لەناكاو پەیوەندی بە چەند هۆكارێكی دەروونی و تەندروستییەوە هەیە كە دووچاری كەسەكان دەبێتەوە، لە گرنگترین هۆكارەكانی لەبیرچوونەوەی لەناكاو بریتییە لە:

كێشەی كەمخەوی یان بەدەست نەهێنانی كاتژمێری پێویستی خەوتن كە هۆكارن بۆ دروستبوونی لەبیرچوونەوەی لەناكاو.
وەرزش نەكردن بەپێی پێویست بۆ هێشتەنەوەی مێشك و جەستەت بە تەندروستی، لە تاقیكردنەوە پزیشكییەكاندا دەركەوتووە كە بە لایەنی كەمەوە لە هەفتەیەكدا پێویستت بە 150 خولەك وەرزشكردن دەبێت.
توشبوونی حاڵەتی دەروونی و فشار و دوودڵی، كە دەبێتە هۆی كەمكردنەوەی توانای تەركیزكردن و لاوازكردنی توانای بیركەوتنەوە.
ئەو ئافرەتانەی كە چوونەتە تەمەنی نائومێدییەوە زیاتر ئەگەری توشبوون بە لەبیرچوونەوەی لەناكاویان هەیە، كە ئەمەش بەبۆنەی گۆڕانكاری هۆڕمۆنەكان و كەم بوونەوەی ڕێژەی هۆڕمۆنی ئیسترۆجینەوەیە، هەروەها ئەم لەبیرچوونەوەیە توشی ئەو كەسانە دەبێت كە تەمەنیان زۆرە.
خواردنی هەندێك دەرمان كە دەبێتە هۆی لەبیرچوونەوە، وەك دەرمانی دژە هێستامین كە بەكاردێت بۆ چارەسەركردنی هەستیاری، یان خواردنی ئەو دەرمانانەی كە چارەسەری خەمۆكی دەكەن (Selective serotonin reuptake inhibitors-SSRIs).
زیادەڕۆیی كردن لە بەكارهێنانی ئامێرە ئەلیكترۆنییەكان و تۆڕەكۆمەڵایەتییەكان، كە وا لە كەسەكە دەكات تەركیزی لەدەستبدات و هەمیشە خەیاڵی لای مۆبایل و ئینتەرنێت بێت.
خواردنی خواردنە خێرا و ئامادەكراوەكان، هەروەها كێشانی جگەرە و خواردنەوەی زۆری خواردنەوە گازی و كحولییەكان، كە هۆكاری سەرەكین بۆ لەبیرچوونەوەی لەناكاو.
توشبوون بە نەخۆشییەكانی كە كاریگەریان لەسەر مێشك هەیە وەك: جەڵتەی مێشك، كە دەبێتە هۆی لاوازكردنی كارەكانی مێشك، كە ئەمەش بەبۆنەی كەمبوونەوەی ڕێژەی ئۆكسجینی گەیشتوو بە مێشك.
كەمبوونەوەی ڤیتامین (B12)، دەبێتە هۆی كەمبوونەوەی ثایامین (Thiamine) كە دەبێتە هۆی دروستبوونی كێشە لە چالاكییەكانی مێشكدا.

چارەسەركردنی لەبیرچوونەوەی لەناكاو بە دەرمانە گیاییەكان

دەنكە هەڵاڵەی ڕووەكەكان یارمەتی كێشەی لەبیرچوونەوەی لەناكاو دەكەن و هیلاكبوونی مێشك ناهێڵن.
تۆوی گەنم، كاهو، سپێناخ. تەماتە، بادام و بوندوق دەوڵەمەندن بە ڤیتامین (E) كە یارمەتی مێشك دەدەن و چالاكی دەكەن.
تێكەڵكردنی زەنجەفیل و ڕەشكە و هەنگوین، پاشان خواردنی بە گەدەی بەتاڵ لە بەیانیاندا.
دارچین یارمەتی چالاككردنی مێشك دەدات و ئەگەری توشبوون بە نەخۆشی زەهایمەر كەمدەكاتەوە.
خواردنی مێوژ یارمەتی بیركەوتنەوە و بەهێزكردنی مێشك دەدات چونكە ڤیتامین (A) و (E) تێدایە.
خواردنی خەرشوف (الخرشوف- Artichokes) یارمەتی چالاككردنی مێشك دەدات.
خواردنی میوەكان بەشێوەیەكی گشتی یارمەتی بەهێزكردنی مێشك و كێشەی لەبیرچوونەوەی لەناكاو دەدات، بەتایبەتی بلوبێری (Blueberries) كە دژە ئۆكسانەكانیان تێدایە مێشك دەپارێزن لە نیشانەكانی پیربوون.
جینسینگ و ئۆمێگا 3 لەو ماددە سەرەكیانەن كە مێشك لە لاوازبوون دەپارێزن و تەركیز زیاد دەكەن.