ناوه‌ڕۆك
ناساندن
بزەینان (بە ئینگلیزی: Bzaynan)، گوندێکە دەکەوێتە ناحیەی سیتەکی سەر بە قەزای شارباژێڕ لە پارێزگای سلێمانی لە هەرێمی کوردستان، زمانی دانیشتوانی گوندەکە زمانی کوردی سۆرانییە و هاوڵاتیانی گوند پەیڕەوی ئایینی ئیسلام دەکەن.
جوگرافیا
گوندی بزەینان لە باکوورەوە ھاوسنوورە لەگەڵ گوندی نۆدێ و لە باشوورەوە لەگەڵ گوندی وێڵەی شارباژێڕ و لە ڕۆژھەڵاتەوە لەگەڵ گوندی کانی دڕکە و لە ڕۆژئاواوە لەگەڵ گوندی ئاڵەسیاوی سەروو.
گرنگی بزەینان
ئەم گوندە بەھۆی ھەڵکەوتن و دروستبوونی لە ناوچەی شاخاویدا بۆ بزوتنەوەی شۆڕشی کورد و پێشمەرگەکان پەناگەیەکی گرنگ بووە، دەستی ڕژێمی بەعس و جاشە خۆفرۆشەکانی پێنەگەشتووە ھەتا کاتی ڕووخانی لە ساڵی ١٩٨٨ دا.
بەروبوومەکانی بزەینان
ئەگەرچی ناوچەکە زۆر شاخاویی و بەردەڵانە، بەڵام پڕە لە میوەی بەتام و بەرھەمی کشتوکاڵی جیاواز، لە ئەو میوە و سەوزانەی لە بزەینیاندا ھەن:
میوە ھاوینەکان
هەروەھا بێستانی کاڵەک و جۆرەها میوەی تری وەرزانەشی تێدا دەچێنرێت.
میوە زستانەکان:
- بەڕوو
- ھەموو میوە هاوینەکان بە وشککراوی کە بۆ شەوچەرەی زستان ساڵانە ئامادەدەکرێن.
بەروبوومی ئاژەڵیشی زۆرە وەک، دۆ، کەشک و بەرھەمە کوردەوارییەکانی تر.
بارودۆخی بزەینان
ئەم گوندە بە تەواوی لەلایەن ڕژێمی عێراقییەوە فەرامۆشکرابوو، ڕێگاوبان، کارەبا، ئاو و ئاوەڕۆی بۆ نەکرابوو، ئێستا بە پشتیوانی ڕێکخراوە خێرخوازییەکان و پرۆژەکانی ئاوەدانکردنەوەی حکومەتی ھەرێم ڕێگاوبانی بۆ کراوە و بۆری ئاوی ماڵانی بۆ ڕاکێشراوە.
ناودارەکانی گوندی بزەینیان
- حاجی ئەحمەد ناسراو بە ئەحمەد بچکۆل
- کوێخا عارف
- حاجی عەبدوڵا ئەحمەد بچکۆل ناسراو بە عەبە کەچەڵ
ناسراوەکانی گوند
- شەهید کەریم عەبدوڵا ناسراو بە کەریمە سور
- خوالێخۆشبوو جەوهەر عەبدوڵا
- بەکری حاجی ڕەحمان
- جەزا حاجی عەبدوڵا ناسراو بە جەزای سایەق
